Күздің бірінші күні - еліміздің барлық білім беру мекемелерінде оқудың басталғандығының белгісі. Жоғарғы курс студенттерімен бірге бірінші курс студенттері салтанатты жиналыста оқу ордамызбен танысты.  Алдымен құттықтау сөзі колледжіміздің директоры Жанқал А.М- ға берілді. Ол студенттерге оқу ордамыздың қызметі мен жетістіктері, атап айтқанда, ұлттық және халықаралық рейтингтердегі жоғары нәтижелерімізді атап өтті. Сонымен қатар, студенттерге оқуда сәттілік тіледі. Мұндай маңызды күні бірінші курс студенттері білім кілтін алды, сондай-ақ, өмірлерінде алғаш рет колледжде  Әнұран шырқады. Жоғары курс студенттері де бұл күнге немқұрай қарамай, ұмытылмас мерекелік нөмір дайындады: құлаққа жағымды сөздер, шоу, би, ән. Олар қоғам өмірін ашық жарқын етіп көрсетіп, жаңа келген студенттерді қызықтыруға барларын салды.